應否升職加薪赴越南開荒 港男：我已婚有小朋友點算好？

家庭與事業，應該如何取捨？為升職而放棄家庭，真的值得嗎？有男網民近日在網上討論區「連登」發貼，指公司打算在越南開分公司，有意派他到河內做開荒牛，並承諾升職、加薪、包食宿等，但條件是跟公司簽5年死約。由於他已婚並育有兩名分別4歲及10個月大的女兒，今次決定影響重大，故希望網民能提供意見。對此，網民反應兩極，有人認為樓主應把握機會，亦有人認為為了家庭應要放棄。

樓主在貼文中表示，公司欲擴展業務，「打算係越南開分公司，叫我去做supervisor......條件的確唔錯，但我已婚有小朋友，點算好」；而自己現時月薪，「計埋bouns應該都有4-50k」。經他進一步問清楚公司後，得出以下條件：「初步package大致係咁：60k（話咩base同而家一樣，其餘會當allowance出，話可以減少d稅（有無師兄知道係咪真係可以），不過未confirm）；包食宿（包埋家人）、醫療 （只限我）、保險（只限我）、要簽5年死約（期間唔可以離職，如離職要賠公司，點賠法未定）、每月包一次機票來回。」

{{hket:inline-image name="vie150220192.jpg"}}{{/hket:inline-image}}

對此，一眾網民反應兩極，有人認為樓主應要把握機會，「有機會搵到多啲錢當然去搵，機會唔會等人」、「增資見聞，遲啲轉工都有牙力」。同時，亦有網民反對，並認為如果要去亦應要舉家前往，「要睇埋你幾耐返到香港一次，細路唔見爸爸太耐好慘」、「單身寡佬就一定去試吓，結左婚就...年紀唔細就...」、「除非老婆仔女一齊去，唔係既stay喺香港好啲，聚少離多唔係個個家庭得」。亦有人諷刺地稱：「冇問題，你去到果面都可以生小朋友」、「冇問題，你去到果面都可以娶老婆」、「唔驚『帽』事咪去囉」、「呢啲問老婆啦，問連燈仔把X咩」。

樓主其後留言表示，自己未曾去過越南，「老實講，我呢一刻的確唔想去多（只係怕蘇州過後），但而家香港我都買唔起樓」；但如要舉家移民，亦不會選擇越南，「我老婆都做野，人工低我少少，如果佢過埋去，佢好難搵工（我估）」。他又指出，今次決定影響重大，「我唔係唔捨得老婆，而係2個小朋友」；而在將此事放上網詢問網民前，他亦未曾向妻子提出，「啱啱同老婆提咗，佢好大反應，話就（算）辭職都唔會俾我去。」

有網民看過樓主留言，不禁表示：「睇你講到同老婆關係麻麻咁，真係隨時返嚟無咗頭家都唔出奇！」、「佢連屋企人嗰關都過唔到，俾個皇帝佢做都冇用。」