欲求證乖孫便便有酸味 大媽竟要求護士「聞唔到就試吓味」

世上無奇不有，各行各業也可能會遇上奇怪之事，有診所護士更差點被迫「食屎」！診所護士「珍寶豬」昨日在其Facebook專頁「診所低能奇觀」發貼，指一名大媽闖入診所後要求「借用」她，幫手為其孫兒尿片上的便便「試味」，令她大驚失色慌忙堅決拒絕。

「有日一位姨姨嚟到診所」，珍寶豬表示，大媽進入診所後走到登記處，問她「可唔可以借你個人嚟用吓」，更表明自己並非來看醫生；她深感有異，斷然拒絕。未料，大媽隨即從手袋中拿出孫兒前一天使用過的尿片，「邊講邊將包嘢放上枱面：『我梗係知你識先走嚟搵你啦，你幫我聞吓佢有冇酸呀』」，更聲稱「我個孫，噚日屙埋屙埋唔少」，欲將尿片拆開。

珍寶豬「心有恐懼」，於是立即叫停大媽，大媽隨後表示：「俾你聞吓囉，我噚日隔住條片都聞到啲屎酸啦，我個仔死都話冇喎，個新抱又係咁講喎！咁噚日你哋好早收工我拎到落嚟，見你哋熄晒燈囉，咪留到而家囉，你聞吓呀！」對此，珍寶豬指出小朋友如有不適應看醫生，但大媽卻稱「唔係呀，你隊個頭埋嚟呀，我俾你聞呀」。

珍寶豬立即以「長期鼻敏感有鼻塞問題」為由推搪，「佢（大媽）拎住塊片一臉茫然：『咁…你食唔食到味㗎？』我份勞保包唔包食屎引起嘅身體不適㗎醫生？」她堅拒大媽的要求，並向對方稱「唔好玩啦，我唔食屎㗎」，「佢：『我冇要你食呀，試吓味咋嘛，聞唔到咪試吓酸唔酸囉』」。為免被迫「食屎」，她只好敷衍表示隔夜會變味；未料大媽竟甚為認同，更認定兒子、新抱或有鼻敏感，「咁下次我係咪應該即刻試咗先呀？……下次我叫佢哋（兒子及新抱）試咗佢哋就知道真係酸㗎啦，應該唔會再話係我問題啦！」

{{hket:inline-image name="poo120220193.jpg"}}{{/hket:inline-image}}

此事引來網民熱議，不少人對珍寶豬的遭遇表示同情，「好恐怖」、「新年流流，好玩唔玩，玩屎」、「其實最衰都係勾踐，攪埋啲咩食屎診症」、「睇左咁多po，呢個真係好癲」、「睇住篇故事都想嘔」、「隔住個mon都聞到味」、「佢個仔真係多謝你」、「如果佢個孫食人奶，酸係好正常」、「就黎抱孫都要考牌」。另有網民表示：「可憐的老人家。姑娘你直接講酸，就下她就得了。」