包包愈大愈靚勁似Barbie 細數慈父徐榮三大溫馨時光

相信有睇《愛回家》馬家版的各位，BB馬家好都不會陌生，這位眼睛大大、臉圓圓、人見人愛的小公主眨吓眼已經3歲，上幼稚園啦！她其實是徐榮最心愛的囡囡徐心怡（包包），如今長高不少，網民都大讚勁似Babie，有望做到TVB明星之星。其實包包可以咁幸福開心，身為愛女控的爸爸徐榮絕對功不可抺。自從2015年囡囡出世之後，徐榮無懼囡囡曝光，經常在網上大曬幸福家庭相，一家四口無時無刻都充滿歡樂，非常討喜。當中徐榮更加愛女成痴，講到明對住包包好難狠心：「佢喊時我就難過啲，掩埋房門喺門背後聽住，個心住住，肉赤到呢……」，果然女兒都是爸爸的上世情人。

▼現在

{{hket:inline-image name="16.jpg"}}{{/hket:inline-image}}

{{hket:inline-image name="17.jpg"}}{{/hket:inline-image}}

1. 見到仔女喊會心痛

12歲的囝囝Karson成為大仔，除咗要學識獨立之外，亦要做好哥哥榜樣俾包包睇，所以徐榮特別嚴格：「始終係第一次做老竇，年紀輕個人又容易著。睇睇吓報紙佢行埋嚟拍走份報紙，無情力唔小心打到我，我都好易著，好難撳得住道火......但其實佢哋只係小朋友」幸而囝囝非常生性，又愛惜妹妹，會為妹妹換片，自動自覺地走去陪妹妹玩，所以徐榮不用擔心太多。相反面對只有3歲的包包，徐榮要管教起上嚟就難得多，因為每次她一撒嬌，徐榮都難以招架，不得不對她寬容：「我會教會罰，佢喊咪由得佢喊囉，喊到攰自然會瞓。不過佢喊時我掩埋房門喺門背後聽住，個心住住，肉赤到呢……唔止係因為對住個女就破晒功，都係因為有咗大仔嘅經驗，佢出世以後我更加識得體諒，明白點樣同小朋友相處，控制自己情緒。」

{{hket:inline-image name="11.jpg"}}{{/hket:inline-image}}

{{hket:inline-image name="13.jpg"}}{{/hket:inline-image}}

2. 支持仔女發揮創意多過成績

徐榮近年涉足教育，開教育中心為兒童舉辦興趣班，連他自己都會落場教做戲，支持小朋友發展個人興趣。對於自己一對仔女，徐榮一樣實施自由育兒法，寧願辛苦啲，拍劇、做老師兩邊走，賺多啲錢，都要送他們讀國際學校，遠離功課壓力：「身邊有啲朋友嘅孩子喺傳統學校齊書，我都感受到佢哋嗰種忙碌，一年級7樣功課真係唔得。時代唔同，大家背埋同一樣嘢點會有競爭力呢？作為成人，唔係扼殺佢哋想像力潑冷水，而係欣賞佢哋創意，盡最大努力啟發佢、陪佢度過難關！」現在包包在國際學校的幼稚園讀K1下午班，無功課下每天下午放學回家便休息，閒時看英文書，活得自在。至於囝囝就轉讀一間英國來港辦學的學校讀七年級（即中一），他喜歡踢波，現時是傑志及港隊U12球員，每星期都要到球會集訓，也要踢聯賽，未來會有機會於外國繼續足球訓練。

{{hket:inline-image name="12.jpg"}}{{/hket:inline-image}}

3. 一有時間即陪仔女做他們的興趣

徐榮工作不定時，一知道哪日不用開工就會立刻安排一家四口去玩，爭取家庭樂。例如同囝囝一有時間就會一齊跑步練氣：「我跑步係為咗健康，我好細個已經踢波，入行後組織過足球隊，依家太忙，只可以陪囝囝跑步，同朋友組開心足球。」而包包就因為《愛回家》爆紅，很多網民都有繼續追蹤她近況，加上她性格比哥哥更獨立，從來沒要求要跟父母睡，所以徐榮會放手讓包包拍多啲廣告：「近嚟妹妹好貪靚，又鍾意唱歌，佢都唔驚上台表演。其實小朋友有好多天份，例如藝術、體育，外國由5、6歲已經開始訓練球員，藝術、音樂都係，如果搵到天份就集中去，唔使主攻讀書。」

{{hket:inline-image name="15.jpg"}}{{/hket:inline-image}}

{{hket:inline-image name="14.jpg"}}{{/hket:inline-image}}