飽歷愛情重創 李施嬅拒釣金龜

近日無綫劇集《荷里活有個大老千》惹來不少迴響。喺劇中飾演過氣演員瑪利蓮嘅李施嬅，當中一幕喺短短15秒擺21個誘惑甫士的場口，更獲觀眾大讚！其實入行15年嘅李施嬅，雖然事業得意，但愛情路上就一波三折，認真慘慘豬！

{{hket:inline-image name="59c1b5a2-b25a-4562-a4b8-3b5d087957a3.jpg"}}{{/hket:inline-image}}

（TVB電視截圖）

李施嬅於2004年與鄧健泓拍攝《老婆大人》撻著，期間不時開心放閃，更發展至同居關係，兩人育有兩隻愛犬，不知幾sweet，無奈去到2010年，李施嬅突然宣布回復單身，雖然情已逝，但他們依然維持好友關係，最近鄧健泓更帶「定情犬」與李施嬅見面，力證友情不變。

{{hket:inline-image name="cea906d7-55cc-441d-92bb-20b309b705ad.jpg"}}{{/hket:inline-image}}

雖則再見亦是朋友，不過與鄧健泓的高調戀情，令李施嬅感觸良多，為免再「見光死」，自此她刻意將戀情低調化，可惜都係無用，先後傳出與胡杏兒老公李乘德（當時兩人未拍拖）、大狀清洪契仔巫翊鳴與及投資公司董事總經理潘樹維的緋聞，由於個個非富則貴，外界更將她與釣金龜劃上等號，激到李施嬅展開大反擊：「有一段時間係咁畀人寫唔好嘅嘢，又話釣金龜，寫得好恐怖，我覺得好唔舒服，因為係咁畀人屈，屋企人睇到都好傷心，但後尾發現其實自己心態最重要，依家心態係覺得花邊新聞，第二個禮拜啲人就唔記得！」

但其實從古至今，不少女星都嫁入豪門，開心做幸福少奶奶，然而李施嬅卻對金龜十分抗拒：「我唔想另一半太有錢，因為好麻煩。做呢行其實真係唔啱嫁畀太有錢嘅人，太多是非。我想搵一個叻嘅男仔，佢可以照顧我。」