公院殮房逼爆同性遺體放一格 網民：生前死後都要逼

冬季流感肆虐，公立醫院「逼爆」，醫護人員及病人齊齊辛苦度日；但原來，殮房亦都一樣「爆棚」！今日有網民分享在大埔那打素醫院拍下的一張殮房告示，內容為因殮房存放遺體超出可處理數量，為臨時紓緩情況，院方需將遺體與另一同性遺體放於同一存放格內，或轉送到其他公立醫院殮房存放。此貼一出，隨即引來網民熱議。

樓主在Facebook群組「North District 北區」分享該張告示，表示：「未死得嘅係醫院等到想死...另一邊死咗嘅...真係死咗都冇辦法被尊重呀...真係由在生到死後都要排隊同逼。未死嘅，你慢慢等下啦，冇床位呀，你都未死得。死咗嘅，你快X啲走啦，冇雪櫃呀，你都死咗啦。」

{{hket:inline-image name="flu300120191.jpg"}}{{/hket:inline-image}}

對此，不少網民留言表示「恐怖」，「生前都未試過同另一個陌生人咁親近」、「死都冇位」、「死咗都無尊嚴」、「有病冇醫院醫，死咗冇殮房入」。另有網民認為情況正常，「唔奇吖！醫院、『大酒店』一樣有「人滿之患」，當然大時大節呢兩度『旺場』係事實」。亦有任職殮房職員的網民表示：「呢季係會有呢個問題，尤其新年前。利申：HA殮房職員」、「宜家間間都爆到7彩，快啲過埋年就有好日子過了～」

{{hket:inline-image name="flu3001201910.JPG"}}{{/hket:inline-image}}

有殮房助理接受《晴報》訪問時表示，入冬後殮房佔用率持續高企，「新年前再爆啲，過咗新年會好啲」；衞生署現時已將用作後備的九龍公眾殮房開啟使用，「平時好爆都唔開，係全港醫院殮房爆晒先開。」至於為何會貼出相關告示，他表示，間間醫院都會基於不同情況貼出，「有啲醫院比較旺，所以會提家屬，但亦有可能係新年。可能係滿咗，可能係使用率高，或（死者家屬）可能好遲都唔領。」

他續指，由於殮房「爆棚」，一眾職員都十分忙碌，「有聯網龍頭醫院嘅手足，平時一日處理6具遺體，而家處理12至13具，有人甚至要處理16至18具。唔好話前綫職員忙，甚至連倒垃圾、掃地嘅後勤職員都好忙。」他指出，殮房人手有限，但要處理的遺體甚多，「人工永遠最低，一入職扣埋強職金等只得10300幾蚊左右，咁厭惡嘅工作好難請人，又要掂啲器官、又要掂啲屍水、對住屍體食飯。咁多年嚟點解冇人爭取，都冇幫我哋加過人工？」

瑪麗醫院殮房主任潘俊傑曾表示，冬季較多長者凍死或出現併發症死亡，殮房需求較為緊張。由於殮房服務的位置有限，面對需求增加，在冬季高峰期殮房會出現「爆棚」情況；此情況不只出現於醫院殮房，連公眾殮房、甚至殯儀館「雪櫃」，都有機會爆滿。他又透露，如果殮房爆滿，職員會先確認其他殮房有沒有位置，得到家屬同意才會把遺體轉移至其他殮房；但如果其他殮房同樣爆滿，在別無他法的情況下，會按足規條把2具同性別遺體放置同一存放格內。雖然殮房有此做法，但他強調只有少數情況下才會把兩具同性遺體放於同一格內。