呂方57歲生日傳婚訊 網民贈興：點解飛Do姐

貴為唱家班的呂方一直愛情得意，雖然事業不及同期對手張學友那麼爆，但勝在多戀事...可惜一直沒有開花結果，自從2008年與鄭裕玲分手後，呂方可謂孔雀開屏，先後與粉絲May May、內地富婆、國產高妹等傳出緋聞，又於五年前戀上身家億億聲的「網絡街市天后」Rainbow，其後火速同居，雖然兩人相差足足21年，但仍無損熾熱愛火，近日慶祝57歲生日的呂方，更傳出婚訊，本來係開心事，但竟然有網民贈興，留言問佢當年點解飛Do姐，咁敏感嘅問題，呂方梗係當視運高睇唔到啦！

不過就有網民好唏噓咁話，估唔到57歲嘅呂方仲keep得咁好，相反Do姐雖然唔係大好多，只係得61歲，但就成個樣唔同晒。其實睇翻佢哋當年嘅分手風波，雖然傳聞多多，但其中一個傳得最勁嘅版本就係話當年呂方想結婚，但Do姐堅持不婚主意，結果男方移情別戀，最終分手收場，估唔到咁就過咗11年咯！

{{hket:inline-image name="RWER.jpg"}}{{/hket:inline-image}}