【附揀鮑魚教學】新鮮鮑魚蒸出核突水泡 無良海鮮舖呃秤港媽中伏

農曆新年將至，不少人都會買鮑魚宴客過節，不過大家選購時緊記小心，一位港媽近日分享，指友人蒸鮑魚時，發現鮑魚長出嘔心白泡、離奇發黑，令她不敢食用。有海鮮專家指出這種鮑魚曾經吸入淡水增重，是不良海鮮商販的常用呃秤手法。

一位港媽昨晚（20日）在Facebook群組「今晚煮咩海鲜？」發文，貼出一張蒸鮑魚的照片，可見多隻鮑魚都出現核突白泡，且周邊發黑，狀甚嘔心，港媽問道：「想問生水卜（泡）係咩問題 ？食唔食得架（㗎）？」她指自己在友人家中聚會時所見，該鮑魚購於將軍澳海鮮店，並已經刷洗。網民見狀均大呼嘔心，形容鮑魚如「中咗幅射」。

{{hket:inline-image name="1.jpg"}}{{/hket:inline-image}}

香港海鮮聯合總會主席李彩華接受《晴報》訪問時表示，鮑魚「嘔白泡」代表這些鮑魚極不健康及不新鮮。李彩華解釋，部分不良海鮮商販，為了增加鮑魚重量賣更高價錢，會將在鹹水生長的鮑魚浸泡淡水，李彩華指：「鮑魚會吸淡水，吸完每隻可以重3至4兩。」

但李彩華指出，吸淡水後的鮑魚很快會死去，內臟及肉質會變壞、鮑邊發黑，煮食時更會出現類似白泡物體，「發黑之後點刷都無用，因為已經壞咗！」李彩華指出，一般人從外觀上不容易分辦出吸水鮑魚，但可留意鮑魚是否緊緊吸住盤，「吸水之後嘅鮑魚會反肚、各自分開；健康嘅鮑魚會吸住底盤，一隻黐住一隻。」