劇集《大帥哥》除了讓觀眾再睹張衞健的風采，更加帶挈不少表現亮眼的演員。當中37歲的童顏女神譚凱琪現實生活同劇中天嬌一角好似，同樣是靠自己打拼天下的女強人，以工作與家人為先，既成熟又極具責任心。自18歲至今譚凱琪已經賺錢撐起3頭家，在事業低潮期都沒有問家人拎錢，反而繼續給錢他們。如今算是名成利就，譚凱琪第一時間想買樓，讓家人有個安樂窩。此外她還很有愛心，近日更為反對虐待動物發聲，這麼好的女生在哪兒找呢？
19年身兼兩職養3頭家
父母在譚凱琪念小學時分開，自此媽媽就母兼父職，一個人養大她4姊妹。懂事的譚凱琪怕媽媽辛苦，留學日本畢業後，18歲就加入娛樂圈做歌手，將一半人工給媽媽做家用。除了媽媽一頭家，譚凱琪話咁多年來一直為3頭家努力：「其實一直以來我都要照顧3個家，自己嘅家，仲有爸爸、媽媽各一家，爸爸退休我想佢安心享受退休生活，亦唔想媽媽再為錢擔心，所以要更加努力。」在港13年演藝生涯裡面，譚凱琪大多演花瓶角色，曾經有段時間步入樽頸位，演出工作愈來愈少，觀眾都有一排無見過其蹤影，不過都堅持給家用。後來她擔心家人生活，故甘願由藝人轉做一間日資公司的文員，後來靠行性感路線得到觀眾注意，工作增加，才辭職重返幕前。譚凱琪認為那段時間不是污點，反而獲益不少：「做文員每個月有固定收入，人哋點睇我唔重要，最重要係我點睇自己，自食其力照顧家人係我嘅目標。」
名成利就買樓送家人 自己繼續慳住洗
多得前輩張衞健的提攜，譚凱琪如今靠劇集《大帥哥》的天嬌角色上位，頓時豬籠入水，賺到笑。如今她最大的目標是繼續搏殺儲錢買樓給家人，希望今年之內能做業主，至於結婚就遲吓先：「希望買3房2廳一家人住，之前我哋真係冇乜plan過結婚，嚟緊我都仲有幾套劇拍，好忙，遲少少先再算。」
對家人慷慨，對自己吝嗇，譚凱琪從小到大就有儲蓄習慣，是慳妹一名。雖然已經擠身當紅花旦之列，但生活依然平凡，早前被記者拍到在九龍城街市食下午茶，邊食邊為雙鬢變白的媽媽整理頭髮，之後到處格價買餸。譚凱琪笑言：「我唔會洗晒賺咗啲錢，只用3、4成，我是嗰啲賺10蚊只係會用2蚊嘅人。因為我由細到大就鍾意儲錢，細個屋企有幾個錢罌，每次有利是或者零用錢就會放落去。有啲衫係我10年前買，重新配搭一樣可以著。」譚凱琪指即使舊衫已經不合時宜或穿不下，她都送給有需要的人或者慈善機構，補妝的粉盒花紋用到褪色依然不丟，比起很多人更有環保意識。不僅如此，她從小到大與狗狗成長，初中就開始養狗，養過西施犬、約瑟爹利、金毛尋回犬，是個愛狗如命的藝人。近日就特意在instagram替毛孩發聲:「我們對虐待動物事件零容忍，爭取成立動物警察，要求制定動物保護法」，有心有力支持月尾的全港反虐日。
堅拒有米男友幫手
慳足19年養起3頭家，外界一直有傳譚凱琪的貧苦生活是假像，更指她已經與富二代男朋友莊日宇Enrico訂婚，有他暗中幫忙。男朋友不但送贈譚凱琪一個畢架山帝景峰千萬單位，更將旗下一間美式餐廳股份轉到她名下，又聘司機載她出入，富貴非常。但譚凱琪就澄清每天開工都是自己駕車，憑一己之力養活家人：「佢從來冇送豪宅、餐廳股份、司機同名車，外間話佢係『金融才俊』，其實佢有錢時我都有努力賺錢。女性都要有自己嘅事業，唔使成為人哋生活嘅負擔，自己做嘢令生活安穩，呢種感覺令人好舒服。」雖然有個有米男友做後盾，但依然堅持自己賺錢給家人，不做港女，難怪盡得男友寵愛。