段譽驚變鳩摩智 JaniceMan做王語嫣捱轟

內地電視劇真係鑊鑊新鮮鑊鑊甘，繼早前的《新神雕俠侶》由毛曉慧飾演小龍女，獲封史上最醜後，最近開拍的《新天龍八部》一樣咁大鑊，事關一直被視為與小龍女同級、一樣仙氣十足的王語嫣，竟然由Janice Man文詠珊飾演，雖然JM唔算好差，但相比起之前的陳玉蓮、李若彤與劉亦菲版的王語嫣，真係唔同級，難怪網上反對聲音一籮籮：「你叫佢做王語嫣，擺明玩佢，想佢畀人鬧。」、「劇組咁選角法，點對得住金庸」

其實唔止王語嫣出事，其他角色亦唔好得幾多，最紅嘅已經係飾演喬峰嘅楊祐寧，至於另一主角段譽，就同王語嫣一樣咁大鑊，由新人白澍飾演，大家唔識佢好正常，皆因連內地網民都話唔知佢係乜水，只知佢喺2015年參加選秀節目《燃燒吧少年》出道，雖然入行近四年，但計埋《新天龍八部》，只係拍過四套劇咁大把，仲有人指佢個樣似做鳩摩智多啲，套劇未拍完已經劣評如潮，真係唔到你唔服。

{{hket:inline-image name="SS.png"}}{{/hket:inline-image}}

白澍（右）飾演段譽，同樣惹來批評。

{{hket:inline-image name="SCSS.jpg"}}{{/hket:inline-image}}