松鼠疑走失 馬鞍山屋苑跳跳紮 居民搵保安被斥大驚小怪

在本港，松鼠並非罕見物種。有網民日前在Facebook群組「馬鞍山之友」上載短片，指自己在錦豐苑G座對出發現了一隻松鼠，「同咗保安講」。此事旋即引來網民熱議，不少人更斥責樓主是「大驚小怪」、「趕盡殺絕」。

從樓主上載長約5秒的短片顯示，未知是否想尋找食物，松鼠正在屋苑空地四處張望及奔跑，最後跳到草叢中。樓主起初只稱自己當時向保安通報，但未解釋其目的及通知內容。

{{hket:inline-image name="mos080120194.jpg"}}{{/hket:inline-image}}

因此，大批網民留言不解樓主為何要通知保安，又指松鼠並非本港罕見物種，「做咩要同保安講？佢會咬你咩？」、「松鼠自由自在地生活，又冇影響你，難道你想保安捉佢？」、「嗰度都算山邊附近，有松鼠有咩咁出奇？」、「唔好騷擾牠！講嚟做咩」、「點解人類要趕盡殺絕」、「唔好咁大驚小怪，引起其他人關注，更加唔好趕絕佢哋」。同時，亦有網民大讚松鼠可愛，「呢隻係pokemon」、「好可愛啊！為何要報保安？」另有住在附近的網民指，其實該隻松鼠已非首次出現，「琴日都見到俾幼稚園啲細路，追左9條街」。

{{hket:inline-image name="mos080120196.jpg"}}{{/hket:inline-image}}

不過，有網民認出該隻松鼠是雪地松鼠，「呢隻係疑似雪地松鼠，非本地物種，99%人養走失/遺棄」、「一定唔係野生，可能係走失或棄養」。樓主其後亦留言解釋：「其實我發啲個post係想失主見到，跟住過去攞番，不過要經審批先post得，其實都太遲……而同保安講，係如果失主先揾番佢，佢都可以問下啲保安，而唔係到處揾佢，正常無可能係呢啲地方出現，可能棄養。」

{{hket:inline-image name="mos080120195.jpg"}}{{/hket:inline-image}}

樓主作出回應後，有人撐樓主做法正確，「就算係香港種我諗common sense都知錦豐咁多人住環境唔會適合，一車就碌死，找管理處漁農好正確」。但仍有網民不滿樓主的舉動，「要搵主人唔好call保安，佢地call漁護死路一條」、「就算漁護署搵到佢主人，但就會話呢隻嘢唔適合喺香港養乜乜乜，然後又係人道毀滅。」

{{hket:inline-image name="mos080120198.jpg"}}{{/hket:inline-image}}

根據漁護署網頁資料，在本港出沒的是多是赤腹松鼠，是受到《野生動物保護條例》（香港法例第170章）所保護的野生動物之一；任何人除按照特別許可證行事外，狩獵、故意干擾、管有或出售牠們是犯法行為。松鼠多在日間活動，市民有機會在公園等看到牠們的蹤影，但即使見到亦千萬不要騷擾牠們。