暖心！為執紙皮婆婆送上熱咖啡 善心人：不要怕 想就幫

香港地生活艱難，不少人甚至未能獲得基本溫飽。一名女網民日前在Facebook以「想飲咖啡的執紙皮婆婆」為題發貼，指她日前在佐敦，看到一名執紙皮的婆婆後只得幾塊餅乾吃，於是主動向對方送上一個快餐。此事旋即在網上廣傳，女網民的善行更獲網民一致讚賞。

「天寒地冬（凍），我見婆婆架車仔綁住支拐仗，佢應該都行動不便。」女網民Jennifer在貼中表示，當日她在佐敦一間快餐店門外，見到一個婆婆正在整理紙皮，「我其實趕時間要走，但都企埋一邊觀察下婆婆有無嘢要幫。我睇咗一陣，婆婆拎刀出黎開包餅嚟食，得嗰幾片薄切切餅乾，心諗邊食得飽㗎？！」

{{hket:inline-image name="popo070120191.jpg"}}{{/hket:inline-image}}

其後，Jennifer忍不住上前問婆婆「使唔使我幫你搬啲紙皮上車」，但被對方拒絕。Jennifer未有氣餒，繼續詢問婆婆「你肚唔肚餓呀？我買嘢俾你食好嗎」，所幸婆婆未有拒絕，更回答道「你買杯咖啡俾我飲啦」，「婆婆應該好耐無飲過咖啡，我feel到佢真係好想飲杯熱咖啡」。於是，Jennifer便到快餐店買了一個快餐給婆婆，更細心地問婆婆可否「飲甜嘢」後，始幫佢落一包糖，「婆婆食得開心滿足，我也去返學了」。

{{hket:inline-image name="popo070120193.jpg"}}{{/hket:inline-image}}

「婆婆話有生果金，我問婆婆夠唔夠使，婆婆無答。」Jennifer續指，她有問過婆婆夠不夠錢用，「我想俾啲啲錢婆婆用，但我唔敢，唔知俾錢嘅舉動會否令婆婆個心難受……對我們來說普普通通嘅一杯咖啡對婆婆來說卻係奢侈品，心很酸。」

對此，不少網民大讚Jennifer的善行，「婆婆肯食啲食物證明真係有需要」、「一個暖心的舉動，令婆婆的世界充滿溫暖」、「我哋能力確實有限，但能從中送上一份暖，多做一點，也已經很好了」、「多謝，好心有好報」。對於網民的讚賞，Jennifer留言表示，希望自己的分享可以感染到大家，「不要怕，想就幫，別人唔領情，我地最多離開㗎啫……不用怕醜，勇敢踏出去關愛弱勢一群。接收愛的人感安慰，送出愛的人感安心。」