與鄭伊健分享秘聞 黎姿犯法拍《古惑仔》

一早已轉戰商界做女強人的黎姿，最近為了鄭伊健復出接受商台訪問，兩人更大談當年拍攝《古惑仔》系列點滴，原來當年黎姿被五花大綁在車上駛過隧道一幕，事先並無向有關部門申請，係犯法架！黎姿話：「嗰個shot真係幾驚，你知唔知個場戲係危險駕駛！」伊健即補充說：「原來隧道內嘅燈會轉晒黃色，不斷閃，劉偉強（導演）叫快啲走，我哋咪走。」之後黎姿被車上山，更被逼狂食叉燒包，但佢竟然話好開心：「我真係好鍾意食叉燒包，初時睇劇本知道要罰食嘢，一睇係叉燒包，咁都好啲。」

{{hket:inline-image name="j.jpg"}}{{/hket:inline-image}}

{{hket:inline-image name="f.jpg"}}{{/hket:inline-image}}

其實黎姿為拍《古惑仔》真係豁出去架，當中一幕講述她們被仇家追殺搞到要跳樓，原來黎姿係畏高：「劉偉強叫我哋喺簷篷跳落嚟，因為我以為有替身，就好開心，點知真係要我哋自己跳。」

{{hket:inline-image name="b.jpg"}}{{/hket:inline-image}}

{{hket:inline-image name="c.jpg"}}{{/hket:inline-image}}

幸運遇上細細粒

不過講到最令人傷感的一幕，定非黎姿飾演的細細粒慘死：「當時因為要蘊釀情緒，我無同佢（伊健）講嘢，拍完場戲返屋企，其實個人都幾sad，第二日先慢慢平復。細細粒係好大情大性、敢愛敢恨嘅女仔，佢係我嘅幸運，可以喺人生之中碰到咁得意嘅角色。」而講到如今已成為幸福少奶奶，黎姿坦言幸福其實很簡單：「只要你每日懂得感恩每一件事情，咁就已經可以好幸福！」

{{hket:inline-image name="h.jpg"}}{{/hket:inline-image}}