新片僅收一百萬 鄭伊健慘變票房毒藥

鄭伊健返嚟喇！明年佢就會再踏紅館開騷，對於外界不時批評佢嘅唱功，伊健就話未驚過，仲許下承諾到時會做一場Good Show，不過最近伊健唔止唱功成焦點，就連演技都變成熱話！記得當年佢憑《古惑仔》系列屢創票房佳績，雖然近年產量不多，但依然是一線男星，而佢擔正嘅新戲《三國殺．幻》最近在內地上映，卡士有謝天華、林曉峰等一班好兄弟，以為實無衰啦！點知只係收得105萬人仔，搞到要急急落畫，網上更一片鬧爆，唔止炮轟劇本差，又鬧演員唔知做乜，令伊健慘變票房毒藥。

講真套戲嘅劇情都幾玄架，講伊健、謝天華同林曉峰喺唔同空間遇上生離死別嘅故事，當中伊健原本過著幸福生活，但當得知自己身世與「英雄門」有關後，就遇上連串不幸，該片更融入懸疑、科幻、愛情和打鬥元素，真係睇完都唔知佢想講乜，難怪票房咁大鑊啦，相信伊健呢鋪都可能係非戰之罪呀！

{{hket:inline-image name="grg.jpg"}}{{/hket:inline-image}}

網上圖片