譚嘉儀最近在社交平台上載了一張相，相中見到車頭擋風玻璃攝住一張卡紙，上面寫住：「Nice driving skills! Wanna be friends?」並留下自己的聯絡電話，嚇到譚嘉儀都話驚驚：「嚇死我啦！以為比人抄牌…點知…」又HASHTAG話「#揸車都可以成為優點」、「#算唔算有艷遇」
成日聽人講去旅行好容易有艷遇，估唔到譚嘉儀喺香港揸車都遇上狂蜂浪蝶，難怪個post一出，即時惹來網民熱烈討論，有人仲對呢位神人嘅追女技巧讚不絕口，「好正，可能係真命天子」、「學到野！」雖然有人使出「抄牌」呢招希望結識自己，不過譚嘉儀就表明唔會打畀對方，都啱嘅，連佢個樣同背景，乜嘢都唔知嘅情況下，容乜易有危險架？
(譚嘉儀 IG截圖)