成龍出名語出驚人，估唔到連佢嘅成龍吧官方微博都一樣咁利害！正當大哥的英文版回憶錄鬧到滿城風雨，不單對女兒吳卓林隻字不提，更透露曾想與林鳳嬌離婚，兼到處拈花惹草，被外國媒體炮轟不尊重女性之際，其官方微博竟然衝出來贈興，全城又再一齊剝花生。
事源近日原來是成龍與林鳳嬌結婚36周年，成龍吧官方微博不單上載深情獨白：「當掌聲最響亮的那一刻，不一定是我最快樂時刻，我只要有你在我背後面撐著，那才是我最最有勇氣的時刻。」難頂？未算，佢仲加咗個hashtag寫住：「有一種愛情叫成龍林鳳嬌」難怪帖文一出，一向品味大不同嘅中港網民罕有地站在同一陣線，即係點？咪就係鬧爆囉：「如果我老公有婚外情，仲有個私生女，你唔係叫我仲相信愛情呀？」、「成龍是一個好演員，但絕不可能是好丈夫，好父親」、「其實佢哋係咪覺得大家仲未鬧夠，所以寫啲咁嘅嘢？」又有網民質疑如果有一種愛情叫成龍林鳳嬌，咁卓林同吳綺莉到底算係乜嘢呢？
成龍吧官方微博
成龍吧官方微博