劉嘉玲貴為圈中富婆，同梁朝偉家住億億聲嘅山頂豪宅，一般人眼中佢哋嘅生活肯定堅離地，不過實情嘉玲姐不知幾貼地，除咗最愛零消費嘅行山，原來都好鍾意嘆平民美食，近日仲喺ig拍片上載搵食記，估唔到嘉玲姐會走去踎大牌檔！著住背心、戴上黑超嘅佢仲變身美食KOL，拍晒周圍環境、就連食店招牌都見到，直頭好似賣緊廣告，雖知道以嘉玲姐嘅身價，拍一個廣告閒閒哋過百萬，能令到佢免費做生招牌，唔通啲嘢真係咁好食？
隱世食店
難怪嘉玲姐條片一出，即時掀起唔少網民好奇，事關佢推介嘅呢間「民益麵家」，絕對算得上隱世食店，雖然早於上世紀50年代在赤柱開業，但多年來一直甚少傳媒報道，就連網上食評亦不多，只知其招牌菜是牛腩麵，而雖然開在遊客區，不過佢嘅價錢十分親民，牛腩麵只係$34蚊、墨魚丸麵仲平賣$26蚊咋！
劉嘉玲IG
網上圖片
網上圖片