相信大家年幼時，都曾經歷過「咩都放入口」的階段。有男網民昨日在網上討論區以「細個最癲食過咩」為題開post，吸引大批網民留言。當中答案從番梘、波子、紙巾，到膠水、洗潔精、沐浴露、安全套、曱甴等都應有盡有；有人是自願食落肚，亦有人是非自願的，十分誇張。對此，有網民笑言：「而家諗返起都覺得痴線！」
筆芯及紙多人食
樓主率先指出，自己細個最癲食過的是番梘，隨即被網民反譏「贏咗啦吓嗎」。大批網民分享自己的經歷，其中有不少人試過食原子筆筆芯，「結果成條脷都藍色」、「啜到成個口黑哂」，亦有人指「小學有排興食筆芯」。至於「紙」類，亦有不少人試過食，「紙，仲要係摺到隻動物咁，自己扮獅子食佢」、「學校通告紙，其實係有少少味道」、「小學有個同學會帶成盒紙巾番學之後上堂果陣食」、「紙巾，仲同屋企人講話就算將來無野食都可以攞黎充飢」。
亂食洗潔精心臟藥
此外，亦有不少網民食過「中毒」類物品，「一啖洗潔精，個喉嚨好似火燒咁」、「仲有止汗劑同中學chem學crystallisation 個啲藍色結晶，食完個口好X奇怪都口乾，飲水都無用」、「老豆啲心臟藥，佢地講返俾我知，幾歲嗰陣pak咗幾粒，瞓咗幾日醫院」。
安全套照擺入口
而最「估你唔到」的，可算是安全套。有網民指自己5、6歲時，喜愛在父母床上「碌嚟碌去」及「乜都擺入口」，有次食中一個「膠套」，「𡁻咗幾啖拉出少少問媽咪咩黎……媽咪好尷尬咁一X扯番出黎秒速掉咗，嗰個係一個用過嘅套」。
生吞飛蟻都唔驚
至於看似較為「正常」的動物類，亦有不少網民食過，「喺地下執啲螞蟻食扮食蟻獸」、「燒過嘅曱甴，好細個返鄉下，婆婆話我瀨尿，食曱甴就冇事」，更有網民稱：「臨近落雨天咪好多飛蟻，有次細個係公園On onXX，朋友捉咗隻生嘅問我夠唔夠薑食，我諗都無諗就吞X咗。」真的沒有最癲，只有更癲！唔知大家細個時最癲食過咩呢？