昨晚是TVB台慶大日子，群星紛紛盛裝出席爭艷鬥麗，當中最艷壓全場的女藝人一定是馮盈盈莫屬，她身穿吊帶低胸露背長裙，加上兩邊全透視，連底褲都唔著得，成為台慶史上第一位唔著內褲行紅地氈的女藝人。連其好姊妹麥明詩都自嘲明明已經中門大開都比她失色：「之前同佢試裙嗰陣佢有著內褲，但太明顯喇，所以依家冇著！原本覺得我條裙好OK同好有誠意，但見到馮盈盈條裙就覺得自己唔敬業。」，馮盈盈自誇：「呢條裙好大陣仗，係以色列運過嚟㗎，係大品牌，好多人爭呢條裙㗎。希望出嚟係靚啦，男朋友見到都呆咗，話呢條裙著到咁會引人遐想，我就反駁話佢應該唔會有遐想。」雖然條裙係以色列名牌Galia Lahav，但就被網民發現竟與淘寶貨撞款，淘寶介紹中甚至寫著「夜場女裝 酒店夜總會小姐工作服」，兩條裙有九成相似，淘寶價只承惠168人仔，係咪好抵玩先？
▼有網民贈興似淘寶嘢又似海豹海獅
可能條裙太易走光，馮盈盈由頭到尾都不敢太大動作，拍照時故意用手按住下半身。雖然她為了台慶豁出去，可能條裙太易走光，由頭到尾都不敢太大動作，拍照時故意用手按住下半身，不過網民就似乎不太受落，紛紛批評衣著過份暴露，毫不美觀：「唔係露得多就叫做靚嘅，好似無着衫咁，睇唔到美感只睇到低俗，冇晒氣質」、「點解咁有夜場味道，佢係咪想轉工？」、「着t back會好啲，唔着反而好怪。啲姿勢又閃縮。」
雖然面對排山倒海的負評，但顯然有未影響馮盈盈的心情，除了感謝造型師的心思，還透露自己為這套晚裝下了很大苦功：「很榮幸今年能參與司儀和表演項目，因此想以一個新鮮突破的造型來祝賀，也想挑戰自己，突破框框再出發。感激我的團隊願意陪我一起瘋狂 ，一個月前已經要選好裙子，因為要空運過來，這段日子就不停做運動和節食，多謝我trainer願意等我完成工作，為我加操到深夜11點也不計較。多得你們每位為我今晚造型絞盡腦汁，費盡心力，才能讓我美美的自信滿滿的走上台，我很喜歡出來的成果。#不試新野#我不悶你都悶啦」