你無睇錯，呢個真係張敏，而且仲係佢微博上嘅自拍照，絕對唔會認錯人，難怪張相能夠熱爆網上討論區，事關張敏雖然已經50歲，但點睇最多都係三字頭，而更可怕嘅係相中人同大家記憶中嘅張敏，都真係有幾大分別，直頭好似變咗另一個人，搞到網民議論紛紛，到底佢係好似楊冪P圖P過火，抑或真係易咗容？「一睇就知有P過啦，講真仲P得勁過楊冪。」「成個樣真係唔同晒，保證阿媽都認唔到，佢發生乜事？」「佢撕開塊面皮應該係林青霞喎，呢個乜水」（《鹿鼎記》劇情）。
張敏微博
息影從商一路坎坷
其實又難怪大家如此大迴響，事關張敏當年都算得上性感女神兼索爆星女郎，於上世紀90年代與周星馳合作無間，無論係《逃學威龍》系列嘅索爆Miss，抑或《鹿鼎記》裡面嘅假太后，都令人留下深刻印象，不過張敏於1996年拍完《十兄弟》後，毅然息影從商，開美容店、時裝店之餘，還涉足房地產，但有指她遇人不淑，損失數千萬，幸而商場失意情場得意，有傳張敏於2013年低調下嫁富商，榮升少奶奶，其後更於去年高調宣布復出再戰娛樂圈，不過當時她澄清從未結婚，只有一位細自己十幾年的男友。雖然年紀係差一截，不過單睇外表，相信都未必有人估到佢哋係姊弟戀。