近年絕少亮相幕前的張曼玉，呢日難得現身上海出席活動，不過啲相一出就即時成為網上熱話，有人質疑佢化得太濃妝：「驚嚇程度堪比邵音音！」不過講真Maggie已經54歲，你估人人都係美魔女，唔識老嘅咩！所以亦有唔少網民為Maggie平反，指佢今次出事全因為髮型同服飾：「染橙紅都算，仲要電到咁，直頭同黃夏蕙撞頭」，「唔好玩啦！點解學四哥著皮褸，真係好大鑊囉！」唔知一向走在時代尖端的Maggie，會唔會聽吓網民意見，執執個Look呢？
出EP再戰樂壇
其實好多人都想張曼玉快啲復出再戰影壇，不過佢就透露最近忙緊搞音樂至真，仲話希望今年內推出EP，相信唔少人對Maggie嘅唱功都留下深刻印象，如果佢真係出碟嘅話，肯定成為全城熱話呀！
網絡圖片