洪卓立與湯怡分手結束11年情，不少人都為他們感到惋惜，更有網民化身私家偵探追查分手真相，由於最近湯怡不時與陳家樂出雙入對，令人懷疑家樂介入他們之間的感情，鬧出連串是非，更搞到英皇高層霍汶希都要出口澄清：「係網民誤會咗，家樂呢幾個月忙到無得瞓，根本無時間拍拖。」
雖然陳家樂是第三者的可信度成疑，不過就有網民發起聲援立立打低家樂大行動，事關一年一度的Yahoo人氣大獎近日於網上進行投票選舉，當中的「香港男偶像」選舉，兩人都有入圍，不過講真自從家樂拍完TVB劇《逆緣》，加上與余香凝的轟動分手風波，其聲勢早已蓋過洪卓立，但原來網民的威力十分大，截至今日中午12點，洪卓立以1741票力壓陳家樂的1620票，暫時贏咗百幾票，雖知道憑《跳躍生命線》人氣熱爆的馬德鐘與何廣沛亦分別只得1349票與1572票，而被視為今年視帝熱門之一的王浩信亦只得1461票，馬國明就有1497票，所以洪卓立的成績都算唔錯架喇。
而講返今次嘅分手風波，噚日去咗堅尼地城拍戲嘅湯怡就表明唔會回應，至於另一主角洪卓立就會喺聽日出席義賣活動，唔少網民都希望佢回應事件，等大家唔使再估估吓。