記得當年20歲出道的陳冠希，憑藉俊朗外型、鬼鬼哋嘅廣東話，成功風靡萬千少女，唔少人仲拎佢跟同樣靚仔有型嘅謝霆鋒比較，堪稱一時瑜亮，若果用今日嘅形容詞嚟講，肯定係「超級小鮮肉」！單論條件，陳冠希絕對係巨星材料，但因2008年嘅轟動風波，改寫咗佢嘅一生，雖然兩年後佢喺台灣宣布復出，不過人氣已大不如前，而負面形象多年嚟更可謂同佢如影隨形，就連於2016年戀上上海模特兒秦舒培，都驚爆女方原來已婚，鬧出連串是非，幸而最終兩人修成正果，更於去年誕下寶貝女Alaia，自此他們不時一家三口四圍去，努力營造好男人、好老公形象，而秦舒培接受訪問時更多次大讚老公，不過亦承認在拍拖之初遭父母強烈反對：「初時不僅身邊朋友不理解，父母也不接受他，於是我叫父母來美國，慢慢相處後，終於己變了他們的看法。」
一夜白頭成熱話
雖然陳冠希已淡出香港娛樂圈多年，但近日卻因為一張相於網上再次爆紅，事關有網民於上海機場發現他，當時他正與助手辦理登機手續，而最大亮點是其秀髮，明明只得38歲，但竟然已由黑變白，究竟是潮流尖端定未老先衰？於網上掀起熱烈討論：「知唔知乜嘢叫因果報應？只係白頭髮，佢有賺啦！」「你估內地人仔咁易賺嘅咩，抵佢。」不過亦有人認為佢係專登染嘅：「佢係潮流達人嘛，你哋識條鐵咩，不過染綠色好D囉」唔知大家又點睇呢？