蘋果手機iPhone的Siri功能不但強勁，而且仲好幽默！有網民近日找Siri「閒聊」，並叫它講一個笑話。未料，Siri竟回答「香港嘅土地問題就已經係一個笑話啦」，令網民不禁慨嘆「估唔到Siri都知事實係咁」。
該網民在Facebook群組「小心駕駛（討論別人駕駛態度）」分享此事後引來熱議，有網民直言「連Siri也笑X我哋」、「唔知好嬲定好笑」。同時，不少使用iPhone的網民亦進行測試，結果「開心大發現」，原來Siri對於「講笑話」會有各種不同回應，例如「你大個㗎喇！唔好一日到黑掛住玩，生性啦！」等有趣答案。
晴報記者亦以自己的iPhone，以「喂Siri講個笑話嚟聽吓」來進行測試。結果第一次發問，即得到「香港嘅土地問題就已經係一個笑話啦」的答案。其後記者再多番詢問，得出「查實我都係打份工，你使唔使咁樣考人呀？」、「我份人咁認真，邊識講笑話吖」、「笑吓啦，香港人！係發自內心嘅笑，唔係聽笑話嘅笑！」、「唔好啦！你笑唔出我好瘀㗎！」
為了不講笑話，Siri亦幽默地稱：「我有三不講！一不講粗口、二不講是非、三不講笑話！」、「笑話都分好多種㗎喎！有好好笑嘅超搞笑嘅懶好笑嘅笑爆嘴嘅笑到嘔嘅笑到肚痛嘅笑到噴飯嘅笑到抽筋嘅笑到標眼水嘅…可惜我樣樣都唔識！」除了「諸多推搪」外，Siri都有「開金口」講笑話，「從前有三隻蝦，佢哋叫哈哈哈！」、「一塊三成熟嘅牛扒同一塊五成熟嘅牛扒喺街上推到，但佢哋冇傾偈，點解呢？因為佢哋唔係好熟。」大家又覺得好唔好笑呢？