到底學廣東話有用啲，定學普通話有用啲？最近教育局局長楊潤雄接受香港電台訪問就分享對普通話教中文的看法：「我有時諗，當然呢個需要專家研究……全世界學中文，你諗吓有邊啲地方（學）廣東話？其實冇……係咪？咁即係話成個世界將來嗰個中文嘅發展係以普通話為主。香港七百萬人社會用廣東話學中文，我哋將來會不會長遠？會唔會有個分別喺度，而係令到我哋有優勢呢？呢個要專家去研究。」有關言論一出即時惹來外界不少迴響，更掀起網民激烈爭辯，就連講廣東話講到出神入化的香港語言學家Ben Sir歐陽偉豪亦於網上拍片回敬，反問假設全世界用普通話學中文，是否最理想呢？又指我們不需跟隨主流世界，反而要主動宣揚廣東話是學中文最好的方法，讓全世界跟隨我們步伐：「如果乜都跟住世界走，咁高錕發明唔到光纖喇喎！」
Ben Sir更認為如果廣東話充滿危機，代表一個地方語言不能繼續發展，有關方面應該拯救廣東話，幫助它變成長遠學習中文的工具，Ben Sir以父母為例：「即係見到阿爸阿媽就嚟唔得，我哋都會拼命去救佢，而唔係放棄佢！」又指如果老師、校長見到學生被比下去，不可能直接放棄教導他們吧？去到影片結尾，Ben Sir更希望社會和諧團結，不想見到大家因此產生紛爭。
Ben Sir網上人氣高
Ben Sir的片段一出，即時獲得不少網民支持：「香港學生的母語並非普通話，勉強用普通話來學中文，結果是三輸，而且我哋一定要識自己母語。」、「廣東話有好悠久嘅歷史，我哋所熟悉嘅唐詩裡面有好多用廣東話寫成，所以用廣東話去讀唐詩係特別有韻味！而呢一樣嘢普通話係代替唔到嘅！」其實Ben Sir於互聯網一直人氣高企，事關曾任中大高級講師的他，雖然有哲學與博士銜頭，但依然十分「貼地」，之前更為TVB主持《Ben Sir學堂》、《Ben Sir睇樓團》等節目，以「貼地」方式與觀眾互動，從中展示廣東話奧妙與有趣的地方，近年他更多次開腔支持廣東話發展、保留繁體字與及鼓勵母語教學等等，又勇於發表對社會時事的不滿，難怪不少網民都封他為偶像啦！