「能成為密友，大概總帶著愛。」曾幾何時，容祖兒與何韻詩呢對密友，去到邊都好似孖公仔咁，但隨著祖兒於2012年宣布與劉浩龍拍拖，阿詩不單拒絕送祝福，更一度取消關注兩人的社交網站，密友關係正式冰封。
不過事隔六年，近日祖兒與阿詩一齊去日本欣賞黃耀明演唱會，眾人更於日本街頭合照，明哥將呢張世紀合照放上網，雖然相中仲有明哥同楊千嬅等人，但外界焦點當然係祖兒同阿詩再次喺同一張相出現，意味彼此關係已成功破冰，更有指師兄當時亦在場，可能仲有份揸機影相，如果係真，就真係大團圓結局，不過亦有人指外界可能諗多咗，事關雖然係合照，但祖兒同阿詩企得好開，好難就咁證明佢哋破冰，分分鐘兩人只係畀面明哥先影相喎，到底真相係點？相信就要等幾位主角開腔回應喇！