到底楊冪靚唔靚？呢個話題相信會掀起唔少爭議，髮線向後移、後天加工等是非流言，多年來一直困擾楊冪，最近她去西班牙參加影展更鬧出P圖風波，有P同無P嘅相直頭判若兩人。雖然因為外貌問題多番受到攻擊，但其實童星出身的楊冪，一直渴望擺脫花瓶形象，最近她更素顏扮醜以真面目，拍攝由侯孝賢監製的新戲《寶貝兒》，是其從影生涯以來首部文藝片，電影講述飾演聾啞人士的楊冪，排除萬難拯救被父母拋棄有缺陷嬰兒的故事，揭露弱勢社群遇上的種種不公平待遇。
本來勇於接受新挑戰是好事，但套戲未上，竟然已被內地官媒大字標題點名批評「藝術片不是鍍金片」，更毫不留情指責其演技流於表面「快樂就是哈哈哈，痛苦就是哇哇哇。」文章一出，網民顯得十分兩極化，有人認為做得差就要鬧，但亦有人指套戲都未上，不應太快下定論。扮靚出事，變醜又出事，睇嚟楊冪都真係要諗諗計，化解呢啲是非風波先得咯！