記得黃子華講過女人愛喬裝，即係落妝之後你分分鐘認唔出佢，難怪化妝品被譽為女士最佳朋友！不過凡事總有例外，好似鄭秀文雖然已經46歲，不過每次現身都幾近零瑕疵，你可能會話全靠化妝品，但好彩有圖有真相！
最近Sammi在微博上載素顏做運動的短片，並留言話：「為了健康！」片中所見身穿小背心的Sammi滿頭大汗，雖然無化妝，但就不斷影大頭，雖然影到咁近，但依然一條皺紋都無，問你服未，更有不少網民大讚Sammi睇落似90後，又有人跪求阿mi的不老秘方，認真搞笑。
Sammi於2003年時拍攝的唱片封套，與今日樣子分別不大
一白遮三醜
究竟Sammi有何不老秘方？原來秘密在於美白：「正所謂一白遮三醜，但唔止要美白，係要透白、亮白，不過用美白護膚品應該貴精不貴多，同時亦要揀有效抗氧化同保濕嘅產品。」
而除了白，Sammi認為眼睛是靈魂之窗，絕對是重中之重：「要勤敷eye mask，唔止可以促進血液循環，又可以抗氧化兼去除眼部浮腫，瞓覺前敷，瞓醒就會sharp返晒。」而Sammi亦認為健康是對抗歲月痕跡的最佳武器，事關沒有健康體魄，只會未老先衰，不過講到健康飲食，她就謙稱沒有研究，健康全靠做運動，難怪Sammi如此勤力啦！