車長人有三急點算好？ 5個巴士冷知識話你聽

日日坐巴士的你，曾否遇過或想過，巴士車長也會在途中人有三急，究竟他們會即時走咗去，抑或忍到最後？今次就來為大家細說數個關於巴士的有趣冷知識。

1.車長人有三急點算好？

「搞錯呀，揸到一半走咗去，啲乘客點算？」巴士一程車短則半小時，長則近兩小時，一旦遇上塞車隨時坐足半日，車長駕駛途中也會遇到人有三急的情況，其實車長會考慮稍後便於停車的地方落車解決，但會先通知車上乘客，因耽誤其行車旅程而道歉。過去曾經有乘客投訴車長「走咗去」，甚或反問「點解唔屙乾淨先開車」，不過其實車長也是人，大家不妨互相體諒。

2.行錯路點算？

香港道路日日有變，巴士又要行勻全港，「失魂」行錯路亦不時發生，部分道路未必可以讓雙層巴士通過，過去錯有車長疑行錯路後「隨便亂兜」，鬧出在窄巷「擱淺」或撞樹撞壆事件。所以當車長發現自己行錯路線時，而又不熟悉附近道路時，會先停在安全位置，並通知電台及乘客，再由車務督察帶領返回正確路線。

3.巴士路線咁多點記住？

九巴路線多達近400條，部分車長要因應更份每日負責不同路線，要記性每條路線絕不容易，其實車長可以透過員工網站的「實景短片」和九巴App，可以查看參考路線及站位，當然還要靠每位車長好記性！

{{hket:inline-image name="3.jpg"}}{{/hket:inline-image}}

4.最高難度嘅路線喺邊？

香港人多車多，龐大的巴士在橫街窄巷行走絕不容易，不過這對於車長並非這大難題，有車長認為最難的路線其實是「過海線」，皆因過海後「行錯一個路口就要兜好遠」，直言千萬不可行錯路。

5.車長可以睇到上層乘客做乜？

車長駕駛座其實設有潛望鏡，可見看到上層大部分位置，包括上落樓梯情況，但如乘客過於矮小或踎底則未必可以看見。