Shake Shack 新店登陸星光大道！限定嘅檸檬水沙冰系列/香脆魚堡大熱回歸

發佈時間: 2026-05-12 19:00:00

星光大道又有新打卡點！Shake Shack 正式進駐星光大道，除咗可以吹住海風食漢堡，仲有好多驚喜等緊你！

今次新店誠邀本地知名插畫師麥東記創作大型壁畫，集齊天星小輪、霓虹燈牌等香港特色，仲有多個向經典港產片致敬嘅細節位，影相打卡一流！

炎炎夏日，梗係要整返杯分店限定嘅美式檸檬水沙冰系列！清新酸甜，仲有「芒果熱情果」口味揀，爽爆全場！清爽完又想惹味下？鍾意重口味嘅朋友一定要試今日登場嘅經典美國南部燒烤系列！燒烤牛肉堡同雞肉堡配上蘋果木燻煙肉，再加上惹味嘅黃金燒烤醬，層次感十足，一試難忘！

驚喜仲未完！最期待嘅海洋嚐鮮系列正式宣佈回歸，並加入常規菜單！「香脆魚堡」採用經海洋管理委員會認證的鱈魚扒，由原塊魚肉炸到外脆內嫩，配埋自家製塔塔醬，啖啖都係海味精華！還有香脆炸蝦一齊，配埋辣味ShackSauce同角切檸檬，海鮮控必試！
下次嚟維港散步，記得嚟呢間最 Chill 嘅分店吹住海風食好嘢啦～

星光大道Shake Shack 分店
▶ 九龍尖沙咀海濱長廊 G/F
▶ 營業時間：星期一至日早上10點至晚上10:30