方俊在71歲「靚聲王」恩師張偉文鼓勵下，月前已推出首隻單曲《鼓舞》，歌頌友情可貴，並為曾遇挫敗或受疾病煎熬的人打氣，帶出正能量，見於新歌反應不錯，方俊再於下月在北角新光戲院大劇場舉行《方俊燃亮愛演唱會》，他並會將部份門票送贈視障人士及其家屬來「燃亮愛」，讓視障者都有機會感受及聽到音樂會，將對恩師張偉文的愛傳遞下去。
同場加映：Gi-Force演唱會補場｜炎明熹大學成績表比預期中理想 投入工作未Feel到有追求者
好有善心的方俊照顧張偉文不遺餘力，他一直希望能舉行充滿愛心的音樂會，今次處男演唱竟能夢想成真，他說：「視障人士平日冇乜機會出去感受音樂會，我好希望佢哋都有呢個機會，可以能親身感受大舞台，最重要係體會到社會對佢哋嘅關愛，仲可以畀機會佢哋表演吓，上台唱一首歌，發揮天份。」
近日方俊忙於新歌及個唱做宣傳，仍不忘抽空到老人院探望張偉文及陪他飲茶。當偉文得知方俊開騷時表演興奮，叮囑他要做到最好，唔好失禮師傅。方俊乘機追問師傅：「偉文，你會唔會嚟撐我呀？會唔會嚟睇我騷呀？」張偉文即碌大雙眼精靈回應：「會！我唔嚟聽點撐你呀！」張偉文唔排除，好精神的話會考慮上台支持方俊唱《離別的叮嚀》：「但如果唱埋《訪英台》就會比較複雜。」語畢，張偉文技癢，即興唱半首《訪英台》， 唱得有板有眼，仲有埋造手功架，好有睇頭。
張偉文近年雖然患上認知障礙症，但也加入為方俊新歌《鼓舞》和音行列。外出期間，沿街及食店內有唔少fans上前問候及支持張偉文，希望偉文身體健康可以在網上唱多啲歌，更祝方俊演唱會good show。另外，音樂會嘉賓還有方麗盈、王美蘭及神秘殿堂級天后，門票在3月8日公開發售。
圖片：大會提供
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
