綜藝節目《亞洲超星團》今個星期六將會舉行總決賽，總決賽假澳門銀河綜藝館隆重舉行，晉級總決賽的18位超星練習生將於決賽夜接受不同考驗，爭取最終9個出道名額。18位超星練習生名單分別是（根據第三輪公演助力排名）江信熹、 李權哲、黃奕斌、奧利、尹俊嵐、陳梁、冼靖峰、趙天翼、梁詩煜、張鎬濂、陳鑫昊、白子奕、金東彬、黃輝雄、張殿甲、文佐匡、譚奕天和林士元。
同場加映：Gi-Force演唱會補場｜炎明熹大學成績表比預期中理想 投入工作未Feel到有追求者
TVB陸續分享18位超星練習生的專訪片段，其中張鎬濂提到自己星二代的身分及出道的辛酸，揚言今次若不成功，他就會「夢醒了」。他表示決賽將至，心情期待又忐忑，被老師看出他非常焦慮，張鎬濂說：「我一路都畀自己壓力好大，可能係屋企人關係同出面聲音，我好想努力去證明自己。其實我一路都戴緊個面具，好想同粉絲一齊揭落嚟，畀大家知道張鎬濂一直都突破緊自己，如果用普通話去講，我係『內耗』自己，不斷同自己作對，我唔想辜負粉絲，將唔同一面呈現畀大家睇，等大家更加認識我，更加鍾意我。」張鎬濂透露今次B組比賽的曲風是他期待而久，希望不要有任何差錯！
張鎬濂表示18歲曾經參加過選秀節目，但事後無奈消失一段時間，期間他飛到韓國成為練習生，再次參加選秀節目《亞洲超星團》，他坦言希望可以讓大家看到五年來的轉變和成長。「大家係透過舞台認識我，但當我唔再有舞台演出，粉絲慢慢離開，我都好迷惘，心入面好唔開心。中間發生好多事，BOYHOOD成團我個心都有少少失落，之後我哋有一齊參加選秀節目，但個節目冇播到出嚟，當時我學校同節目兩邊兼顧，冇辦法平衡到。」他表示跟江信熹早於韓國做練習生時已經認識，未能夠跟BOYHOOD出道，未能夠跟他一齊練習，對張鎬濂而言絕對是一大遺憾，所以《亞洲超星團》重遇大家，再次一齊練習，感覺非常奇妙。「如果今次出唔到道嘅話，我估我發夢都應該發夠喇！我都有說服自己，如果有呢一步的話...就畀心機（其他）工作。」
他表示目標是當一位全能藝人，對於星二代的光環，張鎬濂說：「唔可以話係一件壞事，我覺得星二代畀好多動力我，不過係由壓力變成動力，由我第一日出現幕前，好多人都睇唔起我，但我自己不斷畀壓力自己，希望可以做得更好，所以呢份壓力唔係壞事。多謝爹哋媽咪，因為佢哋嘅關係令更多人認識到我，借呢份力量，我一定做得更好，畀人知我唔係靠爹哋媽咪，靠自己，將來一日我唔止係洪欣個仔，反而佢係張鎬濂個媽媽，希望有一日可以做到咁！」
撰文：娛樂組
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
