《中年好聲音2》快將舉行總決賽，由於十強的實力唱將眾多，不少觀眾都對今屆的冠軍大感期待。108位選手雖然大部分選手已經被淘汰，不過他們的一舉一動仍然得到大家的關注，繼尹新杰在《中年好聲音2》節目中搵到生命的另一半李寶雯，兩人火速「閃婚」拉埋天窗後，再有參賽者宣布要結婚，認真可喜可賀！
同場加映：孔德賢望年輕演員多磨練多進步 「作品唔可以抹走過去但睇到努力」
今次報喜的是羅沛琪（Pinky），38歲的她曾經打入108強並在台上獻唱陳慧嫻的《距離》，可惜最終在初賽只獲得一盞燈而未能成功晉級。雖然被淘汰，但Pinky贏了跟參賽者們的友誼，亦有機會參加TVB綜藝節目的拍攝，大感興奮。Pinky今日IG分享喜訊，她分享男友在台灣陽明山跪低求婚的照片，相當浪漫又溫馨，她留言說：「因為個（嗰）日係（喺）陽明山實在係凍到抽筋，當見到個靚靚山頂景時都係光速打卡，腦袋只諗食野（嘢）充飢，當食到成口都係熱辣辣薯條時，突然一群人衝入黎（嚟），細心的你已經一切 準備就緒。下刪1萬9千字的明就明 ，唔明就黎明的肉麻情話，多謝你一直的寵我，若然言語未能表達，那我們就用餘生好好去實現，大家就是對的人 #You're always be my soulmate ,my love and my hubby #I love u」
男友在陽明山的美景下，向Pinky下跪兼套上鑽戒，一聲「我願意」正式訂婚，將要成為夫妻，Pinky的喜悅都難以掩蓋，她訪問中表示：「多謝大家祝福，係呀，我今年會結婚，男友係圈外人，我哋認識好耐但拍拖大約3年。今次求婚我係完全唔知佢計劃，一如平時咁，大家都會揀靚餐廳打卡影相，撞啱當日係台灣最凍幾日，超凍加少少毛毛雨，打完卡影完相就入房，坐低食嘢時，我已經見到出面有黑布係遮住啲嘢，平時嘅我一定會多手去偷睇，不過當日太凍我就冇理，點知當我食到滿口薯條，班Wedding Planner嘅人就突然入嚟拍片。好開心可以遇到一個明白我嘅人，雖然佢係圈外人，但溝通傾偈之間，好快就明大家要咩，而且佢好有愛心同同理心，每逢有咩大事，佢都係一個好好嘅聆聽者，就算無聊白癡嘢，佢都會陪我笑，好慶幸搵到個好好嘅Soulmate（靈魂伴侶）陪我繼續行落去。」
撰文：娛樂組
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
