名模熊黛林（Lynn）與郭可盈胞弟郭可頌2016年結婚後，晉身幸福人妻行列，夫婦育有一對雙胞胎女兒Kaylor同Lyvia，幸福生活令人艷羨。平日低調的郭可頌是正宗愛妻號，他陪伴Lynn在名錶店挑選禮物，更二話不說買下老婆睇中、價值250萬元的名錶送給Lynn，令人睇到嘩嘩聲！
同場加映：孔德賢望年輕演員多磨練多進步 「作品唔可以抹走過去但睇到努力」
Lynn帶老公去中環一間專賣名錶的錶行，她指錶行售賣的錶，最便宜都要幾十萬元，還要是超級VIP才有資格購買。Lynn笑笑口說要揀新年禮物，更用眼神示意老公，郭可頌立即點頭答應。他們看了多款名錶，包括Patek Philippe、Richard Mille、Audemars Piguet及Rolex等，Lynn希望找一隻比較女性化的玫瑰金款式：「梗係出面最hit嗰幾隻牌子啦，越難買越好。」店員即推介Richard Mille玫瑰金手錶。
Lynn一見手錶即雙眼發光，對老公說：「呢隻咪我哋之前話排隊等咗好耐，都冇消息嗰嗰囉？等咗好耐嘞。」郭可頌即幫老婆試戴手錶，Lynn愛不釋手說：「我就係鍾意佢夠大塊，幾靚喎。幾好，就呢隻啦，因為真係等咗好耐啦嘛。」郭可頌即小心翼翼問：「幾多錢呀？」店員笑言畀得起，郭可頌即買下送給老婆：「罕有，值得買，家庭和睦，老婆開心！」有指這隻錶是Richard Mille RM 72-01玫瑰金，價值約250萬元。
郭可頌更是識錶之人，他當日便戴上價值過百萬元的Richard Mille RM 67-02 High Jump，Lynn指老公的魔術貼錶帶便要8,000元：「我真的不太知道他們的想法是怎麼樣，這麼一塊表呢，一百多（萬），我覺得真的不理解，不會欣賞，但是對於他們來說真的視如珍寶，錶帶還是這個魔術貼的，8000塊錢一個。」不少網民讚Lynn嫁對了人：「老公好可愛，好呆萌」、「老公很好脾氣的樣子」、「一直在旁邊幫忙給她戴錶，感覺有錢人孩子教養真的不一樣」。
郭可頌家底豐厚，父親為富商郭達昌。郭達昌2011年病逝後，有指留下過百億資產和億萬塑膠生意給四名子女。而郭可頌及Lynn過往亦曾互送名錶給對方作生日禮物，手錶絕對是二人的共同興趣。
撰文：娛樂組
圖片來源：小紅書、IG
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
