久病床前無孝子。一名港男發文苦訴外婆一向重男輕女，立遺囑將租置公屋只留給細舅父，同時讓大舅父父子遷入同住。然而外婆中風後，舅父們均拒絕探望，甚至只想她在醫院病逝，僅事主母親一人獨力照顧，令他感到非常心痛。
同場加映：
管家王｜沉淪毒癮住劏房40年 昔日古惑仔做劏房導賞員
該名男網民日前在網上討論區「連登」發文，表示細舅父早前哄外婆購入現住公屋，並立遺囑在外婆離世後會把單位留給他，而細舅父就承諾會照顧外婆至終老。
大舅父兩父子佔用公屋
然而，事主指細舅父一家本身買入一間村屋居住，細舅母生意失敗後無再理過外婆，「名義上係話自己有病，自己都照顧唔到自己，連落樓下都落唔到，但係可以出去食放題囉」。至於二舅父以前都會幫大舅父「助紂為虐」，自己生活都過得不好，但現在變得「生性」，會給少許家用外婆。而最離譜是大舅父，事主指從他兒時開始，對方已經常賭錢欠債，連累家人幫忙還債，雖然最後還清債務，但長年佔用外婆公屋就令事主不滿，
「名義上話呢幾年都要裝修佢間公屋，一直搬唔到去佢間公屋度住，實際上就係要我阿婆用佢啲老人金幫手養佢個仔。」
外婆重男輕女
事主形容母親心地太好，因不想外婆擔心，替大舅父還債直至對方破產，多年來每月又會給很多家用給外婆，「連過年阿婆派利是啲錢都係我阿媽（包括阿婆派畀舅父嘅利是）畀」。惟外婆卻重男輕女，最愛錫長子和幼子，事事都先為他們著想。他指母親曾勸外婆不要買入公屋，稱「有乜嘢事政府都會照顧阿婆，最多收番間公屋」，但外婆擔心細舅父和細舅母日後「一無所有」，故提出把單位留給細舅父。
事主透露外婆數月前中風，現時半邊身不能活動，已留院數月。當初細舅父聲稱會照顧外婆，但除了頭兩周3個舅父有去探望外婆，之後都無再出現，
「平時佢最錫嗰2個仔理都唔肯理佢，淨係得番我阿媽日日去醫院度照顧佢，搞到我阿媽而家得番半條命咁。我阿媽本身都要返吓工，所以就係咁疲累之下，撞傷咗個頭，都有手尾跟。」
舅父們不探望外婆
他指大舅父是醫院第一聯絡人，大舅父卻經常故意不聽電話，只因不想外婆出院，令兩父子可一直住在外婆的公屋單位，「我諗佢最希望嘅係阿婆可以喺醫院死埋」。最後醫生只好找事主母親幫忙，要求她購買所有物品包括電動床、便椅、奶等，好讓外婆可以出院，大舅父兩父子卻堅持佔用房間，著外婆回家後睡客廳，「問題係，個工人嚟咗都要畀位人瞓㗎？唔知係咪房署呢排上晒新聞，又話呢度收番公屋，嗰度搞舉報濫用公屋，佢兩父子最終死死地氣都搬番去佢哋攞咗幾年都冇住過嘅南昌公屋」。
事主指雖然聘請外傭照顧外婆，但母親仍每天都去幫忙，導致身體轉差，令他非常擔心，「得我哋一家人點搞，個個都要返工，姐姐都要放假、要落街買嘢㗎，因為咁我同阿媽鬧咗少少交，我唔想佢咁辛苦啫」。他直言不關心公屋最終誰屬，只是不滿舅父們對單位虎視眈眈，
「幾個人渣舅父完全唔幫手照顧阿婆，淨係想快啲攞阿婆間公屋，有咩方法可以令佢哋幫吓手？」
網民：人善被人欺
不少網民看到帖文後，指事主外婆重男輕女，不管女兒對她有多好也感受不到，而事主母親又是自願照顧外婆，認為難以勸說舅父們幫忙，只能照顧外婆至終老，再從此跟舅父們一刀兩斷，「你阿婆到死都覺得你阿媽做嘅嘢理所當然」、「睇開啲，當照顧埋阿婆最後一段路算」、「你都可以理亦可以唔理，但冇得迫人理」。
↓ 點 擊 圖 片 放 大 ↓
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
