綜藝節目《中年好聲音2》比賽進入白熱化階段，星期日十強參賽者陳俞霏、古淖文、黃劍文、劉威煌、沈宗賢、安雅希、顏米羔、林若盈、譚輝智和陳蒨葶，將會聯同《聲夢傳奇》的學員合唱展開《九強戰！聲夢學員中二合唱！》，爭取最後九個席位。《中年好聲音2》的男團「輕鬆啲」六子昨晚開直播，不過人氣王譚輝智未有開口唱歌，原來背後原因係...
同場加映：孔德賢望年輕演員多磨練多進步 「作品唔可以抹走過去但睇到努力」
「輕鬆啲」昨晚直播，一開始六位成員未有一次過跟大家打招呼，反而鏡頭只有譚輝智一人，原來他們聽取民意，希望強逼平日寡言低調的譚輝智講說話講一分鐘。譚輝智開腔聲稱只剩一個人主持大局，然後向大家報天氣，報讀蔬菜街市價格，雖然咪後的兄弟已經笑到肚攣，但輝智仍然一臉嚴肅，忍笑功力非常強勁。
網友們都睇得非常興奮：「最搞笑佢天然呆的樣子，自己又唔笑，咁先好笑。」、「輝智好有冷面笑匠的潛質，我不停咁睇咗3次呀！」、「輝智咁好嘢，可以忍到笑，見佢嗰樣都笑死咁制」、「聽完，我即刻覺得我今晚買$12 斤油麥菜好貴」、「師奶殺手譚輝智」等等，似乎大家鍾意譚輝智唱歌之外，他都可以試試搞棟篤笑！
不過當網友追問到底顏米羔會否開金口唱歌時，他們都交由劉威煌去解釋：「我知道大家都好期待我、輝智同顏米羔唱歌，相信大家都追開《中年好聲音》呢個節目，我哋未離開呢個比賽，所以呢段時間唔係咁合適，唱得太衰影響你睇節目個觀感，唱得太好都可能有影響，呢個節目會長做落去嘅！」甘永傑和梁浩賢笑言希望大家先畀機會已出局的他們可以多多唱歌滿足歌癮。
撰文：娛樂組
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
