在獅子山下，住著好多不同的人種。《東張西望》昨晚（27日）播出一集，由李旻芳去訪問一位住在深山40多年的呂伯伯，在沒有自來水、簡陋生活下獨居。全因呂伯伯愛做獨行俠，不願與人溝通。生活簡陋，卻充滿個人生活品味和智慧，就算有社工幫忙安排「上樓」居住，呂伯伯都不想放棄這個「無人之境」。
同場加映：孔德賢望年輕演員多磨練多進步 「作品唔可以抹走過去但睇到努力」
77歲呂伯伯居住的山區遠離鬧巿，李旻芳訪問當日，下車後要行20多分鐘的斜路上山做採訪，後生女都行得喘氣難受，不過呂伯伯就十分享受。住在這間寮屋30多年，飽覽港島區景色，呂伯伯介紹家居環境：「夜晚可以見到整個港島區景，如果買樓，呢個觀景值幾十萬元，我好鍾意大自然，住郊野，好寧靜，冇人騷擾你，周圍冇人，一個人唔使應酬。」
生活好有個人品味的呂伯伯，在屋前有個「小花園」，放有小餐枱，下午在這裡看書，屋前有小餐枱，亦有假石盆景，門前有呂伯伯親手寫嘅對聯。年輕的時候呂伯伯熱愛音樂，屋內放滿數千張西方古典音樂、交響樂和大戲粵曲的黑膠唱片和卡式帶，單單是客廳已經有五座大喇叭：「熱愛音樂嘅人係有種幸福感，我聽交響樂，可以聽得好大聲。」
從呂伯伯的居所，還見到有不少生活智慧，由於沒有水供應，他靠食用雨水，他用不同大小的膠桶收集雨水，雖然水內有不少蚊卵：「啲蚊卵好易解決，用手搗搗就所有沉在底，就可以用上面的水。」呂伯伯親自搭建的小屋能抵擋颱風、大豪雨，但呂伯伯最怕是行雷：「最怕打雷：好震撼，唔同平時嗰啲，好大聲，會成個人跳起。」
呂伯伯後生時候做過不同工作、亦曾經行船，自言熱愛生命，熱愛生活，年輕時會交筆友：「如果經濟能力，同埋有健康，我會孭背囊浪跡天涯。」近年身體欠佳，肺部較弱要靠氧氣機生活，曾經試過半年要入4次急症室，其實出入已經不方便，幸好有行山友好心人發現他，隨後有社工協助，找回失散多年的弟妹，兼且協助「上樓」，呂伯伯卻說：「咁樣係想方便照住我，但落去下面只係一個棲身之所，唔係生活嘅地方，我唔會放棄呢間屋。」
呂伯伯堅持自己的生活態度多年，網民都深表讚歎，覺得能夠在簡陋的居所住足數十年，而且有其生活品味，「真喺現代版嘅「關人隱士」呀!能夠半生人?無憂無累過到自己生活方式?真絕無僅有啊」、「好似修道士同清教徒既生活! 咁困難環境都住得到, 好犀利」、「咁都得？ 住兩日我都唔得！ 住40+犀利！ 不過睇落呂生健康唔係咁好， 希望有義工幫到佢」、「我以為堅持到唔打針已經係勁人」、「佢係雍正」。
撰文：娛樂組
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
