炎明熹（Gigi）下月舉行演唱會，更宣布加開兩場，合共三場，認真厲害。Gigi昨日（27日）正式推出今年第一首新歌《透光者》，她在MV中更初嘗跳芭蕾舞。不過，美女書法藝術家青山不墨昨晚自爆本來幫忙拍攝《透光者》MV，懷疑因自己不夠「聽話」，結果跟自己有關的部分全被cut。
同場加映：孔德賢望年輕演員多磨練多進步 「作品唔可以抹走過去但睇到努力」
Gigi新歌《透光者》以全黑白手法拍攝MV，她以成熟露額頭曲髮上陣，令人耳目一新。新歌MV昨晚九時在YouTube上架，片中Gigi翩翩起舞，粉絲都大讚好有新鮮感。不過，MV出街前，美女書法藝術家青山不墨在社交網出post，分享了她跟Gigi的合照，以及她教Gigi執毛筆的片段；只見她與Gigi相處愉快，更嘟嘴自拍，兩人亦互相追蹤IG，惟MV成品中完全沒有Gigi寫字的片段。
青山不墨留言踢爆：「又一次體會到大台嘅威力，話說之前被急call召喚『拍膊頭』幫手mv拍攝，拍攝過程一切都好順利，可惜因為我唔夠『聽話』，最後畀（被）人cut咗 ，今次真係GG嚕～」青山不墨的留言hashtag相當搶口，她寫道：「#人好台壞 #Gigi都係一個好好嘅singer值得支持下 #mv個title唔係我寫 #tvb不了」
有網民留言，搞笑估計被刪剪原因：「只怪你太靚」、「怕您太搶鏡」，有人為她感不值：「邀請你…但又唔用你d字，咁尊重人嘅…」、「方丈好小氣㗎！很好奇你做咗乜嘢刺激人哋呀？」。有網民指青山不墨在拍攝當日曾出post：「係咪太早劇透咗，拍mv當日出post仲tag埋歌名，都知瀨嘢」、「私自洩漏拍攝內容，被cut好正常。睇你都係第一次拍嘢，但保密拍攝內容唔係common sense嚟咩」，青山不墨立即回應：「法官大人，無導演批准我又點敢po。」強調獲許可才出post。有Gigi的粉絲在青山不墨的帖文留言，感謝對方的幫忙：「多謝照顧Gigi，2位靚女互動好可愛」、「雖被cut寫字部分，仍多謝你支持Gigi」、「好可惜，anyway多謝你付出的時間」，相當有禮。
MV昨晚面世兩個多小時後突然下架，直至今日中午才重新上架。只見MV中的特別鳴謝列出青山不墨的名字，不過MV仍然沒有寫字片段，有粉絲表示新上架的MV音色更美，懷疑唱片公司因調整音色才會將MV短暫下架。
撰文：娛樂組
圖片來源：FB、大會提供
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
