信心保證大閘蟹

最近看新聞，內地有大閘蟹一隻只售8元人民幣，但膏少肉削……接着又見到有報道指，淘寶有售冒牌的「防偽蟹扣」，只要將此蟹扣套在蟹上，隨即變「陽澄湖大閘蟹」，升價數倍！
 
食落肚的，我絕不會貪平，訂大閘蟹也必定找熟人訂。近幾年都是幫襯林記永昌號的阿Lam，他的蟹既有質素保證，又可靠，真正產自太湖、陽澄湖或江蘇，做足檢測手續才來到香港售賣。除此之外，阿Lam的服務一流，每年等到大閘蟹夠靚，就會通知我。今年他就跟我說：「葉小姐，知你鍾意食蟹公，等11月初訂啦！」

轉眼來到11月，正當我滿心歡喜打算訂蟹，旁邊的Shirley一盤冷水淋落嚟：「大閘蟹濕熱啊，咪食咁多啦！」

「唔係喎！我早排先睇到經濟日報一篇由營養師黃雅婷寫的文章，佢話大閘蟹含有豐富的鐵質、鈣質和鋅質，蟹肉更含有所有必需的胺基酸，屬優質蛋白質，且非常低脂肪，似乎益處多多！」黃小姐簡直是我的救星！

見Shirley有點不是味兒，我只好打圓場：「大閘蟹的確濕熱！不過都比想像中有營養！最緊要就係小吃多滋味，不要狂吃！」說完就立即低頭WhatsApp阿Lam，訂20隻，一班屋企人一齊食！

（本欄逢星期五刊登）