首間7CAFÉ+BAR概念店 登陸中環街市 4大限定微醺系列 14款獨家手調新品

7CAFÉ+首間「咖啡+特調酒」概念店--7CAFÉ+BAR最近登陸中環街市，店內以「Mood Booster」為主題，推出4大限定微「醺」系列飲品，主打新品包括咖啡特調酒（Coffee Cocktail）、特調酒沙冰（Frozen Cocktail）、特調酒（Cocktail）及無酒精特調酒（Mocktail），破格將咖啡、沙冰與特調酒融合，調配出14款獨家手調精緻嘅新產品！

公關姊妹同黛安講，概念店糅合咖啡、沙冰與特調酒嘅元素，除咗提供7CAFÉ+王牌產品，包括即磨單品咖啡、特色沙冰、即製果昔、椰子水特飲，以及牛角包窩夫、雞蛋仔等即製小食外，仲可以歎到14款全新手調新飲品。新店仲提供唔少優惠㖭，例如即日起至9月19日，可以試飲價$50品嘗特調酒1杯；而9月20至26日則可以試飲價$25，品嘗無酒精特調酒1杯，大家記得把握時間去試下喇。