勿把玩樂事變嚴肅教學

「媽咪，你過嚟睇下。」大兒子招我過去。

「呢架Lego車係Owen送畀我㗎，頭先你餵細佬飲奶時，我自己睇住設計圖砌，不過我有少少砌唔到，你可唔可以幫下我？」兒子微笑問我。

「呢個係你砌嘅？」我有點難以置信。

回想疫情初期，Audrey也曾嘗試過教兒子學習看組裝圖，但是他始終學不會。

執着，是因為我從家長群組獲悉，同班同學都可以在不依靠大人的情況下，自行看組裝圖完成約100多片的Lego小汽車。看到別人接二連三傳出孩子砌Lego的片段，專注的神情、靈巧的小指頭，讓我眼紅羨慕不已。

雖然兒子都有砌積木，但一直只肯玩顆粒較大的幼兒版本，試過給他標準大小的Lego，可是他連對齊、拼合都有難度，更遑論獨力去砌完一件作品。

眼見同學仔一個個都可以做得到，做阿媽的多少會有些緊張，於是照辦煮碗，買了一堆Lego車仔，以親子名義跟孩子學着砌。

說是親子，其實過程一點也不「親」，因為我不是抱着陪玩的心態陪伴，反而像個拿着圖紙的判頭，不斷追問他︰「你說！下一步要用甚麼零件？怎樣拼合？」

看着他三番四次弄錯零件、砌錯位，我的耐性很快耗盡，開始怪他睇極唔識，不斷大喊「唔係咁呀！」最後孩子逃之夭夭，半途而廢，留下我和一堆未砌好的零件。

「你咁樣根本就唔係陪我玩！」孩子的控訴和不滿在我耳際縈繞不散。

那次之後，我不記得他多久沒有碰過Lego。直至今天看到那輛小汽車，原來有些事不用急、不用逼，時間到了就會做到。為何我非要把一樁玩樂之事化作嚴肅教學？真傻！

（本欄逢周三刊登）