一田日本食品節 輕鬆煮出經典漫畫美食

一田超市正舉行集合多款漫画料理嘅日本食品節「漫画料理の再現」，黛安收到風，食品節將《深夜食堂》、《孤獨的美食家》及《和歌子酒》等漫畫提到嘅咖喱飯、味噌湯等呈現喺大家眼前；同場仲加映一系列人氣櫻花及新登場產品，例如有WFH必備嘅零食櫻花味脆條及櫻花大福，最啱下午茶食嘅雪軟芝士蛋糕等，即使留家都可以體驗春日浪漫情懷。

公關姊妹話，「漫画料理の再現」日本食品節圍繞4款經典日本國民菜式，包括咖喱飯、味噌湯、西京燒及茶碗蒸，喺日本搜羅菜式所需嘅新鮮食材，方便顧客喺屋企都可以輕鬆煮出地道和食。例如新潟越光米、鹿兒島黑毛和牛牛肩胛、北海道薯仔及洋葱等，買齊就可以製作一頓美味嘅日式咖喱飯喇！

另外，一田超市都為大家搜羅咗唔少櫻花系限定產品，包括口感Q彈嘅粉色津山屋櫻花大福、脆卜卜嘅櫻花味脆條等。仲有打卡必備嘅山下菓子櫻花千層蛋糕及豊幸園櫻之舞櫻花白桃酒等，黛安係時候去掃貨喇，大家都唔好錯過啊。