麥當勞回歸新城市廣場 新店時尚型格

麥當勞進駐香港超過47年，好多分店都成為大家嘅童年回憶，例如沙田新城市廣場幾年前結業，一眾「沙田友」都好唔捨得呢位老朋友。不過，麥當勞終於兌現當年承諾，昨日強勢回歸新城市廣場，再次服務各位街坊。今次回歸嘅麥當勞同McCafé位於廣場一期2樓，黛安都去睇過，見到店內裝潢時尚型格，開揚嘅設計夠晒空間感，大家可以chill住歎一眾美食，仲可以歎到香濃嘅手調咖啡㖭。

香港麥當勞行政總裁黎韋詩同黛安講，過去數年不時有顧客分享昔日喺新城市廣場餐廳嘅美好回憶，希望麥當勞再次進駐，佢對於今次重返新城市場廣場都好高興，希望可繼續為大家創造更多歡樂回憶。