CHOYA換新裝 「一年熟成本格梅酒」一試難忘

香港人工作壓力大，黛安間中都會飲番杯酒減減壓，公關姊妹話，日本國民梅酒品牌CHOYA旗下「The CHOYA」系列將以新面貌登場。黛安知道，CHOYA係用100%日本梅子、糖類與酒等製成，絕無添加劑或香料，經一年熟成，慢慢讓梅果嘅精華濃縮至酒液中，味道酸甜，梅味飄香，清新又易入口。

今次「The CHOYA一年熟成本格梅酒」，改用有花瓣綫條嘅玻璃樽承載甜度適中、層次豐富嘅梅酒；而「The CHOYA本格梅酒一年至極の梅」，則用咗圓柱玻璃樽承載由糖、釀造酒精和南高梅，用獨特靜置技術熟成一年釀造嘅梅酒，釀造出特有嘅蘋果及桃子香氣酒品，令人一試難忘。

梅酒除咗可以直接飲外，亦可以喺溫水或熱紅茶加入少少梅酒，好啱冬天暖胃；又或者喺梅酒加入唔同水果、蜂蜜、蘇打水及柚子酒等，調製出個人喜好嘅口味㗎。