McCafé重推「蜜糖‧玫瑰系列」 寒冬嘗初春味道

氣溫急降，有咩好得過歎番杯又甜又暖嘅特飲？黛安知道，McCafé近日重推大受好評嘅「蜜糖‧玫瑰系列」，包括蘊含玫瑰芳香配搭香甜蜜糖嘅「蜜糖‧玫瑰鮮奶咖啡」，一試令人着迷，仲有縈繞桂花香味嘅「蜜糖‧桂花蛋糕」，令大家喺冬日都可以感受到初春嘅味道。

「蜜糖‧玫瑰鮮奶咖啡」喺濃郁醇厚嘅鮮奶咖啡入面加入100%蜜糖，蜜糖、鮮奶同咖啡嘅層次分明，加埋玫瑰花瓣裝飾，無論冷飲、熱飲都咁有風味。「蜜糖‧桂花蛋糕」就以口感鬆軟嘅海綿蛋糕配上桂花香味慕絲，蛋糕面嘅可愛蜂巢造型仲會滲出淡淡清香蜜糖味。麥當勞App用戶即日起，可憑「McCafé熱或凍蜜糖‧玫瑰鮮奶咖啡減$3」電子優惠券購買呢個系列飲品，黛安都要去試下。