捷克藝術家用樂高砌成巨型熊貓 登陸尖沙咀

最近黛安經過尖沙咀海濱長廊，見到一隻色彩繽紛嘅巨型樂高®熊貓，向公關姊妹打聽後，原來呢隻巨型熊貓係由捷克藝術家Jan Boudník及其團隊，花咗近440個鐘、用成千上萬塊樂高積木砌成，越洋抵港後仲「自我隔離」咗14日，嚟緊仲會喺香港樂高®探索中心、梳士巴利公園展出㖭。香港樂高®探索中心將會喺明年1月25日開幕，所以特別展示重達300公斤嘅巨型樂高®熊貓模型，默林娛樂亞太區業務拓展總監Ben Sweet話，熊貓象徵住和平和福氣，希望喺逆境下為香港人帶來平安和好運。

過幾日就到聖誕節，香港樂高®探索中心會推出咗節日主題套票，售價$529，當中包括2張入場門票、1張$100禮品店折扣券、鎖匙扣、節日主題封套。另外，即日起可以喺中心官網購買單次入場門票及全年通行證，價格分別為$240及$1,099。詳情可【按此】瀏覽。