Snoopy期間限定店周五登場 推獨家潮品

Snoopy人見人愛，黛安收到風，LOG-ON嚟緊會有個「Live Like Snoopy70周年期間限定店」，今個星期五（6日）至11月29日將以懷舊Café造型隆重登場，公關姊妹話，到時店前會有1.2米高嘅粉紅色爆炸頭Snoopy等住同大家合照，粉絲記得去捧場喇。

今次限定店仲有唔少全新獨家貨品，其中最矚目嘅一定係還原漫畫造型嘅限量單品，包括Snoopy 12吋爆炸頭造型搪膠公仔，限量300隻，仲有史諾比夏威夷四弦結他、Tee、帆布及牛仔布Tote Bag等等。姊妹仲話，潮買限量產品之後，同場仲有唔少聖誕好物，包括好多人鍾意嘅姆明家族、近年人氣高企嘅KAKAO FRIENDS電子潮物和文具等，可以買定做聖誕節禮物送畀好友！