一粥麵周年優惠連連 食碎牛粥加$1送齋腸粉

黛安最近收到公關姊妹報料，話一粥麵為咗慶祝品牌成立20+1周年，嚟緊會以「20+1」做活動主題，提供一浪接一浪嘅優惠回饋畀顧客！

繼連續3個月嘅「鮮蝦雲吞麵」加$1就有1杯粒粒紅豆冰之後，由今日（5日）開始至今個星期五（9日），只要買「鬼馬碎牛粥」加$1，就有「香滑齋腸粉」1份。黛安每次去一粥麵必食碎牛粥，因為粥底完全無味精，香濃綿滑，再配1碟用潮式製作嘅齋腸，最啱秋冬季節，食完即刻暖笠笠。姊妹話，每日優惠數量有限，賣完就無㗎喇。如果唔想食碎牛粥，都可以轉做皮蛋瘦肉粥，可享同樣優惠㗎。