湯怡中秋陪屋企人煮飯仔 最鍾意粉紅系廚具

最近喺《反黑路人甲》飾演芷珊老師嘅湯怡，演技大獲好評，角色入屋仲人氣急升。黛安知道，湯怡私底下都係愛回家之人，放假就會返屋企陪家人。大時大節都會同家人食飯，親自下廚之餘，中秋節仲會自家製奶黃月餅送畀家人同朋友，雖然湯怡正忙於拍攝新劇，但今年中秋節佢已決定正日同家人做節。

黛安聽聞湯怡平時都鍾意煮嘢食，又鍾意收藏廚具，但係佢愈買愈多，後來覺得唔想浪費，更加唔希望有啲廚具一年先用一次，所以現在見到好喜歡才會入手。最近佢就睇中德國孖人牌嘅ZWILLING® NOW S迷人粉紅系列。佢仲話︰「自己本身鍾意粉色同素色，所以第一眼見到呢個系列嘅廚具已經好鍾意。相信好多女仔見到都會心心眼！」呢個系列中有一個ZWILLING®保溫杯，佢最近都係用呢個保溫杯裝住媽媽嘅靚湯，帶埋去開工㗎！