蜜糖BBQ麥炸雞新登場 麥當勞App用戶可$10試食

麥當勞嘅美食多不勝數，黛安收到風，今個星期四（10日）佢哋將推出全新蜜糖BBQ麥炸雞，仲會加入超值套餐成為「10號餐」，麥當勞App用戶更可率先專享$10試食優惠啊。

唔少人都知道麥炸雞好受歡迎，推出以來銷量已達1,500萬件。公關姊妹話，全新嘅蜜糖BBQ麥炸雞係嚴選優質雞槌同雞上髀，除咗保持麥炸雞嘅3大黃金美味要點，卜卜脆、肉嫩同Juicy，每件炸雞都沾上蜜糖燒烤醬醃製，香脆、香甜同惹味集於一身。此外，全新嘅大大杯鹹檸檬可樂亦已登場，加埋強勢回歸嘅脆薯格，諗起都想即刻去食呀！