華懋送$50萬食物福袋 助受疫情影響人士

今年端午節要喺疫情陰霾下度過，黛安知道，華懋集團透過膳心連基金同11間非牟利機構合作，喺端午節前向荃灣、葵青及東涌有需要人士送上2,500份食物福袋，為佢哋送上節日祝福。

華懋集團營運總裁王弘瀚話，今次為受疫情影響人士送上總值$50萬元嘅食物福袋，集團喺公司亦設立收集點，鼓勵同事捐出罐頭食品及乾糧，為有需要人士送暖。集團嘅義工隊早前去咗其中一間機構，親手將食物福袋送畀100位荃灣居民，餘下福袋將喺未來1個月陸續送出。